Hvernig þýði ég skjöl með Málstað?

Ef þú vilt fá þýðingu á skrá án þess að fara í gegnum ritilinn getur þú hlaðið upp skrá á sniðinu .docx, .odt, .pptx og .odp. Þú færð val um að færa í ritil eða þýða beint fyrir það sniðmát sem er líka stutt í ritli (.docx og .odt).

Ef þú þýðir skrána beint velurðu tungumál í hægri hlið gluggans og smellir á Þýða skjal. Þegar þýðingunni er lokið getur þú sótt þýðinguna eða hent henni. Þú hefur klukkustund til að sækja þýddu skrána, eftir það er henni eytt.

Þú getur flutt skjalið beint inn úr Google Drive í stað þess að hlaða því upp handvirkt, og sent þýðinguna aftur út í Google Drive þegar hún er tilbúin.

Ef skjalið er skannað eða á formi myndar eða PDF-skjals ljóslesa Málfríður og Erlendur það sjálfkrafa fyrst þegar þú dregur það inn, og halda svo áfram með niðurstöðuna í sínu eigin verkflæði. Þú getur líka ljóslesið skjalið í Lísu fyrst og sent niðurstöðuna beint í Erlend til þýðingar.