Hvernig eru stigin fyrir niðurlögn reiknuð?

Stig fyrir hvern leik eru reiknuð með sama hætti og í hefðbundnu borðskrafli. Meginreglurnar eru:

  • Lögð eru saman stafgildi (stig) flísanna í öllum heilum orðum sem niðurlögn þín myndar, hvort sem það eru ný orð eða viðbætur við orð sem fyrir voru á borðinu. Orð geta myndast bæði lárétt og lóðrétt, “þvers og kruss”. Öll orð verða að sjálfsögðu að vera leyfileg.

  • Ef þú leggur flís á Tvöfaldur stafareiturljós-sægrænan eða Þrefaldur stafareitursægrænan reit margfaldast stafgildi þeirrar flísar, þ.e. tvöfaldast á ljós-sægrænum reit og þrefaldast á sægrænum. Hin margfölduðu stig telja bæði í láréttu og lóðréttu orði ef reiturinn er hluti af tveimur nýmynduðum orðum. Ef þú nærð til dæmis að leggja niður É, sem hefur stafgildi 7, á sægrænan reit (þrefalt stafgildi) þannig að það sé hluti af tveimur orðum, færðu samtals 7 x 3 x 2 = 42 stig bara fyrir É-ið eitt og sér - og þá er eftir að telja hina stafina.

  • Ef þú leggur flís á Tvöfaldur orðareiturljós-appelsínugulan eða Þrefaldur orðareiturappelsínugulan reit margfaldast stigagildi alls orðsins sem flísin er hluti af, þ.e. tvöfaldast á ljós-appelsínugulum og þrefaldast á appelsínugulum. Margföldunin gildir bæði fyrir lárétt og lóðrétt orð ef reiturinn er hluti af tveimur nýmynduðum orðum.

  • Fyrir hvert nýmyndað orð eru stafgildi, einföld eða margfölduð (á ljós-sægrænum eða sægrænum reit) reiknuð fyrst og lögð saman. Að því loknu er orðgildið sem þannig fæst margfaldað upp ef nýjar flísar í orðinu eru á ljós-appelsínugulum eða appelsínugulum reit. Athugaðu að orð getur legið yfir tvo margföldunarreiti, sem gefa þá samtals fjórfalt eða jafnvel nífalt orðgildi.

  • Margföldunarreitir eru aðeins virkir í þeim leik sem flís er lögð á þá. Eftir það missa þeir virkni sína. Flísar sem á þeim eru hafa einfalt stafgildi ef þær eru hluti af orðum sem síðar eru lögð niður.

  • Auðu flísarnar, sem geta táknað þann bókstaf sem leikmaður kýs, gefa engin (núll) stafastig.

  • Ef leikmaður nær að setja út alla sjö stafina í rekkanum í einni lögn kallast það bingó og gefur 50 stiga aukabónus.

Ef þú segir pass eða velur að skipta út flísum færðu engin stig í þeirri umferð.

Netskrafl